853. Óska öllum vinum og vandamönnum, svo og auðvitað öllum þeim sem ennþá nenna að reka nefið hérna inn á síðuna þrátt fyrir að þar hafi bæði fátt og smátt verið að gerast undanfarið, gleðilegra jóla og farsældar um ókomin ár.

Mér finnst myndin hér að ofan standa vel undir því að vera jólamyndin í ár, en á ferðum mínum fyrir fáeinum dögum staldraði ég eins og svo oft við í Mjóddinni og rakst þá á sjálfan jólasveininn, væntanlega nýlega kominn til byggða úr heimkynnum sínum í Esjunni. Þar var þá einnig stödd siglfirska kjarnakonan Lilla á Á, sem er okkur sem erum búin að ná þokkalega góðum meðalþroska að eigin mati, að góðu kunn. Þau féllust bæði góðfúslega á þá beiðni mina um að fá að mynda þau saman og kann ég þeim miklar þakkir fyrir það.