849. Ég náði líka þessu fína skoti af Kópavogsbúanum Jóa þegar hann átti leið fram hjá mér í Hamraborginni og fór mikinn. Þetta er þó síður en svo í fyrsta sinn sem ég mynda "Jóa á hjólinu" sem er fyrir löngu orðinn goðsögn og nánast eins og eitt af kennileitunum í sínum heimabæ, en hann var tíður gestur á Catalínu um tíma þar sem hann þótti sérlega liðtækur á dansgólfinu (mætti auðvitað alltaf í fullum skrúða) og ef satt skal segja mun eftirsóttari dansherra en margur yngri og sprækari.